Situación

Turismo

Situación

O Concello de Rábade está integrado na comarca lucense da Terra Chá, no cuadrante nordés de Galicia. As súas coordenadas xeográficas son as seguintes: 43º 6' Lat N e 7º 37' Lonx W. A distancia de Rábade á capital da provincia, Lugo, é de 15 Km, e o seu termo municipal é limítrofe cos de Begonte e Outeiro de Rei.

A súa reducida extensión territorial, de 5,2 Km correspóndese co 0,41% da comarca. Este Concello está constituído por unha única entidade de poboación, a vila de Rábade. Segundo o Padrón Municipal de Habitantes de 1996 contaba entón con 1.588 habitantes. Presenta ademais un peculiar carácter diferencial con respecto ó entorno definido pola comarca na que se integra, A Terra Chá, pois a súa estrutura socioeconómica segue as pautas propias dunha economía desenvolvida.

Rábade experimentou unha progresiva transformación orientada a converterse nun importante centro de comunicacións e núcleo de servizos, sendo especialmente importante o seu crecemento nos anos 70 e 80.

Politicamente, Rábade é un Concello independente dende que en 1925 se segregou do Concello de Begonte (a súa primeira corporación municipal constituíuse o 28 de maio de 1925).

O Concello

Servizos Municipais

Turismo

Novas

Turismo

Situación

Información sobre el documento