Fondo cabecera Concello de Rábade

Actualidad

Página 1 de 3,  30 contenidos

miércoles, 27 de marzo de 2024

O Concello de Rábade colabora co Máster Nacional de Futbolín, que este ano cumpre 25 anos

masterfutbolin2024

O Concello de Rábade colabora co XXV Gran Máster Nacional de Futbolín que organiza a Peña Futbolín Bola Meiga e que se vai celebrar na localidade os días 28, 29 e 30 de marzo.

A alcaldesa de Rábade, Remedios González, acompañada polo concelleiro de Deportes, Carlos González, o director xeral de Presas, José; Presas, José Manuel Candal Regueiro, organizador da Peña Futbolín Bola Meiga, Manuel Castro, delegado da Federación Galega de Fútbol, Gerardo Criado en representación da Xunta de Galicia, e Javier Arias, deputado autonómico e ex delegado da Xunta en Lugo, compareceron hoxe ante os medios para dar conta dos detalles desta cita que celebra o seu 25 aniversario.

Pistoletazo de saída

Para celebrar o cuarto de século desta cita deportiva, mañá; xoves vaise levar a cabo un desfile conmemorativo do primeiro futbolín que chegou a Rábade no ano 1952, ao Bar Eliseo. O desfile sairá da praza, xunto ao Bar 22 ata chegar ao pavillón do IES Río Miño, un dos tres espazos nos que se vai celebrar o Máster Nacional de Futbolín.

Dez xogadores rabadenses levarán a mesa de xogo aos ombreiros acompañados de estandartes, numerosos campións cos seus trofeos, algunha que outra sorpresa divertida e a gran batucada Batu Cadabatú;.

15.000 euros en premios

Tal e como explicaron, inscribíronse no Máster 567 equipos chegados de toda España. Participan 240 xogadores máis que o ano anterior, 94 delas mulleres. Trátase, segundo precisaron, dunha cifra "histórica"; para este campionato. En total, vanse repartir 15.000 euros en premios, o máximo que se ten dado ata o de agora.

Mañá xoves a competición empeza ás 17:30 horas e o venres e o sábado ás 10:00 da mañá ata a madrugada. Son tres os escenarios onde se compite: a cafetería Papyrus, o Colexio Otero Pedrayo e o IES Río Miño.         

Leer más

O Concello de Rábade celebrará unha 'Andaina pola Igualdade' o 8 de marzo

8mrabade

O Concello de Rábade celebrará; unha 'Andaina pola Igualdade' o vindeiro 8 de marzo con motivo do Día Internacinal da Muller con saída da Praza do Concello ás 11:00 horas.

Convidan a asistir caracterizadas como a icona feminista Rosie 'A Remachadora' recollendo o lazo no Concello.

Tamén con motivo do 8M, o día 15 de marzo ás 20:30 horas haberá unha actuación do grupo de fanfarria 'Brassica Rapa' polas rúas da vila.

Leer más

martes, 6 de febrero de 2024

O Concello de Rábade aproba un presuposto de preto de 3 millóns de euros cunha forte aposta polo gasto social e a limpeza viaria e recollida de residuos

06022024concello

O Goberno local do Concello de Rábade vén de aprobar os Orzamentos para este ano 2024, que ascenden a 2.989.000 euros, un incremento de preto de 800.000 euros con respecto aos do ano anterior. As Contas contaron co voto a favor do equipo de Goberno e co do PSOE e coa abstención de Independentes por Rábade.

Investimentos reais

En concreto, destínase máis dun millón de euros a investimentos reais, nos que se inclúen dúas importantes obras, como son a da reforma do antigo Cine Man e a mellora do campo de fútbol Catro Ventos.

O Goberno local fai un esforzo "moi importante" para impulsar e reforzar os servizos a persoas maiores e persoas dependentes nos domicilios incrementando a partida que se viña destinando á axuda no fogar.

Ao mesmo tempo, auméntase nun 140% o presuposto destinado ao servizo de limpeza viaria e recollida de residuos. "É unha aposta forte e un compromiso do equipo de Goberno que adquirimos cos veciños e veciñas para ter un servizo de maior calidade", precisa a rexedora Remedios González.

Tamén se recolle un incremento no capítulo de persoal coa creación de dous novos postos de traballo de administración; un de persoal contable e outro que se encargará do padrón municipal, entre outras tarefas.

Sobe ademais a partida de impostos indirectos ao contar coa liquidación de obra da nova urbanización de Vilar de Seo e da instalación no polígono de novas empresas.

A alcaldesa explica que se trata dunhas contas "realistas" nas que se priorizaron aqueles asuntos que máis preocupan aos veciños e veciñas, como son o gasto nas persoas e o aspecto que presenta a vila, que xa se está a ver mellorado.                      

Leer más

domingo, 28 de enero de 2024

Clasificación Memorial Eduardo Fernández Villamarín 2024

https://ccnorte.com/resultados/xxi-memorial-eduardo-fernandez-villamarin-2024/absoluta-2007-e-anteriores/0#

Leer más

miércoles, 24 de enero de 2024

O Concello de Rábade colabora coa celebración da Axeigada, a primeira foliada da primavera

axeigada

O Concello de Rábade colabora coa agrupación folclórica Axeigo na celebración da Axeigada, a primeira foliada da primavera, que vai ter lugar na localidade o día 9 de marzo. Na organización deste evento participan ademais Café; 22, Cervecería Ágora e A Cantina e colabora a Asociación Cultural Fillos do Chaira.

A xornada comprende obradoiros, cantos de taberna polos locais participantes, así como unha foliada aberta para poñer fin á festa.

En concreto, o programa comeza ás 17:30 horas con dous obradoiros, un deles de Baile foliadeiro con Xabi Iglesias (10 euros) e outro de afinación e empalletado con Pepe Vaamonde (20 euros). As persoas interesadas en inscribirse poden chamar ao 634 83 52 88 ou enviar un correo a aoxeitogalego@gmail.com.

Ás 19:00 horas darán comezo os Cantos de Taberna nos que participan cinco grupos: Airiños da Fonda, Estoupacaldeiros, Son Outeiro, Son de Lugh e Os do 13.

A actividade volve ao Centro Sociocultural ás 22:00 horas onde haberá; unha degustación de petiscos, seguida do concerto de Paracetafolk ás 22:30 horas e foliada aberta a partir das 23:30 horas.

O Goberno local do Concello de Rábade agradece ao grupo local Axeigo a súa implicación para levar a cabo esta primeira foliada da primavera que agardan "sexa un éxito e poida ter continuidade", destaca a rexedora, Reme González.

Leer más

martes, 23 de enero de 2024

O Concello de Rábade acolle por vez primeira o Torneo de Judo Xogade

23012024xogaderabade

A alcaldesa de Rábade, Remedios González, acompañada polo concelleiro municipal de Deportes, Carlos González, o xefe do Servizo Provincial de Deportes de Lugo, Manuel Otero Méndez, o delegado da federación lucense de Judo, Iván Carballeira, e o responsable da Escola Municipal de Rábade e mestre do Club Lvcus Dojo de Lugo, Alejandro Castro, presentaron hoxe o Torneo de Judo 'Xogade' que se vai disputar o vindeiro domingo 28 na localidade.

A competición está; organizada pola Federación Galega de Judo a través da Xunta de Galicia e conta coa colaboración do Concello de Rábade. É a primeira vez que a proba se desenvolve neste Concello lucense.

Está; previsto que participen no torneo preto de 350 rapaces e rapazas de entre 6 de 16 anos da zona da provincia de Lugo e da Comarca de Ferrol.

Trátase dunha proba única na que todos os participantes recibirán unha tarxeta pola súa asistencia e unha medalla.

O que se pretende con este tipo de proba é que os nenos e nenas entren en contacto con esta modalidade deportiva e teñan un primeiro achegamento á competición. Vai ser unha xornada de convivencia que se desenvolverá no pavillón municipal de Rábade en horario de mañá, entre as 11:00 e ás 14:00 horas. Xa pola tarde está previsto un adestramento aberto a quen queira participar.

Os clubs que participan na proba son os seguintes: Escola municipal de Rábade, Lvcvs Dojo, Lugokan, Judo Lugo, A.D. Muralla, Gimnasio Senra, A.D. Ferrolterra e Bitácora.

 

Leer más

viernes, 19 de enero de 2024

Torneo Xogade de Judo 2024

judo2024
Domingo 28 de xaneiro

Leer más

miércoles, 17 de enero de 2024

Programa do San Vicenzo 2024

sanvicenzo2024
27 e 28 de xaneiro de 2024

Leer más

miércoles, 10 de enero de 2024

O Concello de Rábade celebrará o 27 de xaneiro o XXI Memorial de atletismo Eduardo Fernández Villamarín

memorialnegrin2024

O Concello de Rábade organiza para o sábado 27 de xaneiro o XXI Memorial de atletismo Eduardo Fernández Villamarín, Negrín, con saída pola tarde da Praza de España e recollida de dorsais no mesmo lugar.

Eduardo Fernández Villamarín, Negrín, foi un dos fundadores da Sociedade Atlética Rabadense e gran impulsor do deporte na vila e na provincia, e con cuxo nome foi bautizado o pavillón municipal.

A proba

Ás 16:30 horas farase a saída dos rapaces e ás 17:00 horas dará; comezo a carreira absoluta que percorrerá; 6,8 km e discorrerá dando dúas voltas a un circuíto urbano. A clasificación será absoluta masculina, absoluta feminina e por categorías.

A recollida de dorsais farase a partir das 15:30 horas.

Premios

Os tres primeiros clasificados de cada categoría terán premio e ademais, haberá un trofeo, denominado tamén Eduardo Fernández Villamarín, que se entregará; ao equipo que conte con máis participantes que rematen a carreira, así como distincións para o primeiro e primeira corredores rabadenses clasificados na proba absoluta.

Os pequenos recibirán de premio vales de 50 euros para a compra de material deportivo e os adultos premios que oscilan entre os 350 euros para o primeiro e 150 do terceiro, tanto na categoría masculina como feminina.

Ademais, os primeiros participantes da proba absoluta que crucen en primeira posición o sprint intermedio situado ao final da primeira volta e rematen entre os 20 primeiros da clasificación xeral agasallaráselles cun dorsal para a Behobia - San Sebastiánn, por cortesía de Viajes Almar - JAVO.

Este ano por vez primeira aumentan os premios e tamén haberá para os tres primeiros atletas provinciais, así como para o primeiro corredor e corredora rabadense na proba absoluta.

Haberá un agasallo para todos e todas as participantes de todas as probas. A entrega de premios e trofeos farase ao remate da carreira.

As inscricións para todas as categorías poden facerse ata o xoves 25 de xaneiro na páxina web: www.memorialnegrin.gal.

Leer más

Página 1 de 3,  30 contenidos

Información sobre el documento

Escudo del    Concello de Rábade
Concello de Rábade
Rábade - Lugo (Galicia)
Teléfono: 982 390 062 / 982 390 952 | Fax: 982 390 411
E-mail: concello.rabade@eidolocal.es