Concello de Rábade

Actualidade

Páxina 2 de 4, 31 contidos

miércoles, 10 de enero de 2024

O Concello de Rábade celebrará o 27 de xaneiro o XXI Memorial de atletismo Eduardo Fernández Villamarín

O Concello de Rábade organiza para o sábado 27 de xaneiro o XXI Memorial de atletismo Eduardo Fernández Villamarín, Negrín, con saída pola tarde da Praza de España e recollida de dorsais no mesmo lugar.

Eduardo Fernández Villamarín, Negrín, foi un dos fundadores da Sociedade Atlética Rabadense e gran impulsor do deporte na vila e na provincia, e con cuxo nome foi bautizado o pavillón municipal.

A proba

Ás 16:30 horas farase a saída dos rapaces e ás 17:00 horas dará; comezo a carreira absoluta que percorrerá; 6,8 km e discorrerá dando dúas voltas a un circuíto urbano. A clasificación será absoluta masculina, absoluta feminina e por categorías.

A recollida de dorsais farase a partir das 15:30 horas.

Premios

Os tres primeiros clasificados de cada categoría terán premio e ademais, haberá un trofeo, denominado tamén Eduardo Fernández Villamarín, que se entregará; ao equipo que conte con máis participantes que rematen a carreira, así como distincións para o primeiro e primeira corredores rabadenses clasificados na proba absoluta.

Os pequenos recibirán de premio vales de 50 euros para a compra de material deportivo e os adultos premios que oscilan entre os 350 euros para o primeiro e 150 do terceiro, tanto na categoría masculina como feminina.

Ademais, os primeiros participantes da proba absoluta que crucen en primeira posición o sprint intermedio situado ao final da primeira volta e rematen entre os 20 primeiros da clasificación xeral agasallaráselles cun dorsal para a Behobia - San Sebastiánn, por cortesía de Viajes Almar - JAVO.

Este ano por vez primeira aumentan os premios e tamén haberá para os tres primeiros atletas provinciais, así como para o primeiro corredor e corredora rabadense na proba absoluta.

Haberá un agasallo para todos e todas as participantes de todas as probas. A entrega de premios e trofeos farase ao remate da carreira.

As inscricións para todas as categorías poden facerse ata o xoves 25 de xaneiro na páxina web: www.memorialnegrin.gal.

Leer más

lunes, 8 de enero de 2024

A Xunta compromete melloras no Centro de Saúde de Rábade

A alcaldesa de Rábade, Remedios González, mantivo un encontro de traballo coa xefa territorial de Sanidade, Begoña Seco, e o xerente do Sergas, Ramón Ares, para abordar as melloras que precisa o Centro de Saúde da localidade.

O Goberno local trasladoulles hai uns meses a necesidade do arranxo de varias zonas do centro, o que permitirá dar unha mellor atención e un mellor servizo aos doentes.

Na súa visita ao centro sanitario, a responsable da Xunta comprometeuse a arranxar as zonas comúns a principios deste ano. Tamén trasladou a intención da Consellería de Sanidade de levar a cabo unha reforma integral do edificio, así, como de acometer obras na cuberta.

A rexedora estivo acompañada na súa visita ao Centro de Saúde da concelleira de Sanidade municipal, Pilar Dapena. Ambas agradecen a boa disposiciçon da xefa territorial de Sanidade e do xerente do Sergas coas necesidades expostas.

Leer más

viernes, 15 de diciembre de 2023

Programación de Nadal do Concello de Rábade

O Concello de Rábade preparou unha ampla programación para este Nadal.

As actividades e eventos deron comezo o día 10 co acendido das luces de Nadal e rematarán o 5 de xaneiro coa Cabalgata dos Reis Magos.

Ao longo de todo o mes de decembro e principios de xaneiro haberá; música, obradoiros, maxia, teatro, campamento infantil, a Don Silvestre Rabadense e un senfín de propostas para todos os públicos.

O Concello de Rábade recorda que a inscrición se pode facer na área de Cultura e Deporte. Todas as actividades son gratuítas.

Leer más

jueves, 14 de diciembre de 2023

IX Don Silvestre Rabadense

O Concello de Rábade organiza a IX Don Silvestre Rabadense, que se vai celebrar o vindeiro 31 de decembro na localidade.

Trátase dunha proba non competitiva na que se premiará aos catro mellores disfraces.

Haberá dúas categorías: Menores, con saída ás 11:15 horas. E maiores, con saída ás 12:00 horas. A saída farase da Prazuela.

As inscricións GRATUÍTAS están abertas ata o 28 de decembro a través do enlace: www.championchipnorte.com.

Haberá un refrixerio gratuíto para todos e todas as participantes e un agasallo conmemorativo.

Leer más

lunes, 11 de diciembre de 2023

Teatro en Rábade

O venres 15 de decembro haberá teatro en Rábade

Leer más

jueves, 23 de noviembre de 2023

Actividades do Concello de Rábade polo 25N en 2023

Actividades do Concello de Rábade polo 25N

Leer más

viernes, 17 de noviembre de 2023

XVII Concurso de Postais Navideñas

Concurso de postais de Nadal do Concello de Rábade

Leer más

martes, 14 de noviembre de 2023

Teatro en Rábade o sábado 18 de novembro

Ás 20 horas no Centro Sociocultural

Leer más

lunes, 13 de noviembre de 2023

Rábade en Negro. A veciñanza contra as violencias.

13112023 cartel voluntarias CONTRA violencia de xenero

O Concello de Rábade precisa 52 mulleres voluntarias para o acto central que terá lugar o 24 de novembro en contra da violencia de xénero coa fin de dar visibilidade ás vítimas desta lacra social.

Se estás interesada apúntate chamando ao departamento de Servizos Sociais no teléfono 982 39 00 62 e recolle a túa camiseta.

Anímate e participa!

Leer más